عشان تكون فاهم إيه اللي بيحصل في بيتك، لازم تعرف إن التشطيب المتكامل بيمر بمراحل مرتبة، مينفعش مرحلة تسبق التانية. دي خريطة الطريق اللي بنمشي عليها في مشاريعنا:
المرحلة الأولى: التأسيس (العصب) دي أهم مرحلة وأخطرها. بنبدأ بتعديلات المباني (لو في تكسير أو بناء جدران جديدة)، بعدها تأسيس السباكة والكهرباء والتكييفات. هنا لازم يتم تصوير وتوثيق أماكن المواسير والكابلات قبل ما تتدفن تحت المحارة.
المرحلة الثانية: التجهيز (البشرة) بنبدأ أعمال المحارة (اللياسة)، وتركيب حلوق الأبواب، وتجهيز الأرضيات، وعزل الحمامات والمطابخ (اختبار العزل بيقعد 48 ساعة مياه عشان نتأكد إن مفيش نقطة تسريب).
المرحلة الثالثة: التشطيب والديكور (المكياج) تركيب السيراميك أو البورسلين، أعمال الجبس بورد (الأسقف المعلقة)، والدهانات (سكينة معجون أولى وتانية..).
المرحلة الرابعة: الفينش النهائي (التسليم) وش الدهان النهائي، تركيب وشوش الكهرباء، النجف، الصحي (الأحواض والخلاطات)، والأبواب.
ليه الترتيب مهم؟ أي لخبطة في الترتيب (زي تركيب السيراميك قبل إنهاء مرمات المحارة وتكسير الكهرباء) بيؤدي لتلفيات وتكلفة إعادة شغل. في VORA Finishing، عندنا “Checklist” لكل مرحلة، ومبننقلش للمرحلة اللي بعدها غير بتوقيع استلام هندسي.
